 |
| رسالة |
نويت أعاتبك عتاب قلوب
نويت أقولك فى كتاب مكتوب
مش بالأصابع ولا بالمطابع
ده برعشة قلبى المسلوب
ده بدمعة عينى يامحبوب
* * *
كتبت لك على جبينى
كتبت لك على جفونى
كتبت لك عن حبى
فتحت لك باب قلبى
لا بدارى ولا بخبى
ولا أنت دارى ولا ملبى
سيبنى وحدى لعذابى
سيبنى لجرحى وألامى
سيبنى لحبك ياحياتى
مبقتش أنا بتاع زمان
الفرح فى عيونى مصان
الحزن فى قلبى ماكان له مكان
كنت عايش للعيون ..
عيون حبيبى
كنت أتمنى يكون ..
راضى عنى حبيبى
كان معايا وهو بعيد ..
حبيبى
عينى تغفل مرة عنك .. أبدا
قلبى يأمل حد غيرك .. أبدا
كنت وحدك فى الدنيا حبى
كنت كل منيايا وأملى
كنت ضحكة .. كنت بسمة
كنت ليك
* * *
دلوقتى أنت بتغمض عنيك
وألاقى الحزن باين عليك
والعين اللى تسأل تملى عنك ..
مشتقالك
العين اللى تسعد لو شافت خيالك
أو طافت أبالك
ليه تحرمها منك
مش هنسهالك
* * *
عينى تسأل على حبك
وبرضه عليك
أزّى حاله .. هى اللى قالت
أزّى حبه .. هى اللى قالت
أزّى قلبه ..
غضبان دلوقتى ولا فرحان
مشغول البال ولا هيمان
زعلان من كلمة ولاحاجة قولتهاله
زعلان من دمعة عين سببتهاله
* * *
خجلان أقول رمانى حبيبى
خجلان أفول عذابى نصيبى
خجلان من قلبى ليجرحنى
خجلان من عينى لتألمنى
تحرمنى من نظرة حلوة ..
متعود عليها
تحرمنى من بسمة حنان..
لو فى يوم صادفت عينيها
تحرمنى ارسم ضحكة مرحة
عالشفايف
تجرحنى بغلطة ريشة
فى أجمل وصايف
* * *
نفسى تريح قلبى تقولى
تريح عيونى وتسيبلى حبى
هو اللى باقى فى الزمان ده الآسى
هو اللى هيواسينى فى ذكريات الماضى
كل كلمة حب قولتهالك
كل دمعة شوق
كل قصيدة كتبتهالك
والعذاب كله يهون
واللى انكتب لى معاك يكون
اتمنى أعيش ولو مآسى ذكرياتك
* * *
تعليقات
إرسال تعليق