 |
| عشان ابقى صريح وياك |
ليّة كلمة شايلها فى قلبى
عاوز اقولها عشان ارتاح
هى كانت معناها حبى
واديه قضّى زمانه وراح
لا انا غاوى تبقالى ذكرى
ولا الحكاية مستاهله خصام
بس ابتدتها وكانت غلطة
لازم حكايتى يبقالها ختام
* * *
عشان ابقى صريح وياك
فى اللى انكتب لى معاك
نبتدى بيوم مااتقابلنا
يوم مااتصارحنا ايوه يومها
يوم مااتخاصمنا و اتصالحنا
لما عيونك شغلت قلبى
طيرت ساعتها وقلت اهواك
لما لامونى حلفت بحبك
قلت دعمرى يوم ماانساك
يومها قالولى دناره بتكوى
جيت فى ساعتها اشتقت اساك
يبقالى ايه يتقال فى هواك
عشان ابقى صريح وياك
افتكر يوم مااتعاهدنا
ايوه يومها يوم مااتقابلنا
قولت يومها يلا نحلم
ايوه انت قولتهالى
مش مصدق
افتكر يومها سمعوا الناس كلامنا
قالوا يومها مش هتقدر
قلت نقدر
قلت لك: من كلام الناس مين بيسلم
قلت لى هفكرك
وادينى جاى افكرك
مش عتاب ده بعتوهلك
ده جواب كتبتهولك
قصدى فيه ننسى زمان
واللى كان
باللى فيه من ذكريات
باللى فيه من حب مات
عشان ابقى صريح وياك
* * *
الكلام الحلو قلته
قلت ياما كتير وياما
قلت حبك شئ كبير
اكبر من الدنيا ومافيها
الكلام ده كان من جوه قلبك ؟
كنت يومها صريح فى حبك ؟
دنا قصدى برضه أفكرك
يومها برضه قولتلك
الكلام ده كبير عليك
عمرى ماشفته أنا جوه عنيك
ولا فى هواك
علشان ابقى صريح وياك
* * *
تعليقات
إرسال تعليق